Dimitra Rousvanidou, Mexhare Globale e DEKRA Akademie dhe Blerta Kraja, Koordinatore e trajnimeve në DEKRA Akademie ishin të ftuara në një bashkëbisedim në emisionin e pasdites në RTV21 me gazetarin e mirënjohur dhe moderator të emisionit shumë të njohur “BonBon”.

Zonja Rousvanidou tregoj për historinë 100 vjeçare të DEKRA si kompanisë Globale nga Gjermania që është ndër kompanitë më të mëdha në Gjermani për zhvillim dhe aftësim profesional.

Në emision u diskutua edhe për shërbimet falas të DEKRA Akademie në Kosovë si:

• Mësimin e gjuhës Gjermane nga A1 deri Be
• Trajnime profesionale dhe çertifikim
• Ndërmjetësim në punësim dhe transferim në Gjermani
• Si dhe ndihmë për bashkim familjar.

Tani infermierët e Kosovës kanë mundësi të punojnë në 120 klinika dhe institucione të kujdesit për të moshuarit në Gjermani pasi që të përfundojnë trajnimin në DEKRA Akademie në Kosovë. Trajnimet ofrohen në 7 qendra në të gjitha qytetet kryesore të Kosovës: Prishtinë, Mitrovicë, Pejë, Prizren, Ferizaj, Gjakovë dhe Gjilan.

Për më shumë ju ftojmë të shikoni emisionin e plotë në linkun më poshtë;

Pas trajnimit intensiv të tyre për gjuhën gjermane në DEKRA Akademie në Kosovë dhe përfundimit të nivelit B1+B2 të gjuhës gjermane (çertifikatë telc), kandidatët dërgohen në DEKRA Akademie në Selanik për një trajnim intensiv 3 javor.

Trajnimi konsiston në teori dhe praktikë për të ndihmuar kandidatët të përgatiten më mirë për provimin përfundimtar. Përmbajtja trajnimit është rreth psikologjisë, infermierisë, patologjisë, anatomsë dhe praktika (punë sterile).

Ky trajnim mbahet në një nga qendrat më të mira të trajnimit në Evropën Juglindore që përgatit infermierët e ardhshëm për provimin e licencës së infermierisë gjermane FKP (Fachkenntnisprüfung) që do të zhvillohet në Heidelberg. I urojmë fat kandidatëve tanë!

“Kemi mësuar shumë gjatë këtyre 3 javëve si në pjesën teorike ashtu edhe në atë praktike. Trajnimi nga DEKRA Akademie ka qenë shumë i mirë në çdo aspekt”.

Liridona Hasani, Gjakovë.

“Trajnimi ka qenë përvojë interesante, i kam përforcua njohuritë paraprake dhe kam marr shumë njohuri të reja. Shpresoj se ky trajnim do të ndihmojë shumë në të ardhmen. Falenderoj DEKRA Akademie për mundësinë e dhënë”.

Faton Haziri, Prishtinë.

“Gjithsej 10 kandidatë nga Kosova kanë ndjekur për 3 javë trajnimin që do t’i përgatisë ata për provimin përfundimtar. Kandidatët i kanë vënë në praktikë njohuritë teorike. I urojmë të gjithëve sukses në provimin final ”.

Kristin Bacharis, Udhëheqëse e Qendrës për Koordinim dhe Trajnim në DEKRA Akademie Selanik.

DEKRA Akademi në Kosovë përgatit infermierët profesionalisht për punën e tyre, dhe gjithashtu organizon të gjitha proceset burokratike dhe ligjore të nevojshme për akreditimin e certifikatës së tyre, dhe lëshimin e vizave dhe licencës së punës.