Gjatë orës së mësimit në qendrën e trajnimit të DEKRA Akademie në Ferizaj kandidatët tanë bashkë me mësimdhënësen e gjuhës gjermane Flaka Ramadani kishin për temë pediatrinë, duke bashkëbiseduam ata vendosën që ta bëjnë një vizitë në Pediatri në Ferizaj dhe tu sjellin lodra fëmijëve atje. Me që edhe është kohë e festave të fundvitit bashkë me Elmaze Lohaj koordinatoren e DEKRA Akadenie në Ferizaj vizituan repartin e Pediatrisë në Spitalin e Përgjithshëm të Ferizajit. Atje u pritën shumë mirë nga fëmijët, prindërit dhe stafi i spitalit dhe u falënderuan për këtë iniciativë. Urojmë që viti i ri tu sjell më shumë shëndet dhe hare fëmijëve në vendin tonë dhe në të gjithë botën

“Projekti “Një buzëqeshje më shumë” kishte për qëllim gëzimin e fëmijëve që për fat të keq ditët e fundit të 2021 po i kalojnë në spital. Ne ishim shumë të lumtur që sollëm një buzëqeshje më shumë për këtë vit dhe shpresojmë që 2022 do të jetë vitë i mbushur me lumturi. Gëzimi i fëmijëve dhe familjareve ka qenë gëzimi ynë”, tha mësimëdhënësja Flaka Ramadani.

“Gjatë vizitës në repartin e Pediatrisë në Spitalin e Përgjithshëm të Ferizajit kemi hasur një mirëpritje shumë të mirë si nga drejtoresha, motrat medicinale, e veçanërisht nga prindërit dhe fëmijët. Gëzimi në sytë e fëmijëve na ka inkurajuar edhe më shumë që të ndërmarrim serish iniciativa të tilla”, tha
Kandidatja Blinera Arifi.

DEKRA Akademie është një nga kompanitë private më të mëdha të aftësimit profesional në Gjermani, në Kosovë u themelua zyrtarisht në 2019 dhe ka hapur dyert për infermierët e licencuar që duan të punojnë në Gjermani.

Ne jemi krenar për suksesin e kandidatëve tanë të treguar në klinika në të gjithë Gjermaninë.

Pas trajnimit intensiv të tyre për gjuhën gjermane në DEKRA Akademie në Kosovë dhe përfundimit të nivelit B1+B2 të gjuhës gjermane (çertifikatë telc), kandidatët dërgohen në DEKRA Akademie në Selanik për një trajnim intensiv 3 javor.

Trajnimi konsiston në teori dhe praktikë për të ndihmuar kandidatët të përgatiten më mirë për provimin përfundimtar. Përmbajtja trajnimit është rreth psikologjisë, infermierisë, patologjisë, anatomsë dhe praktika (punë sterile).

Ky trajnim mbahet në një nga qendrat më të mira të trajnimit në Evropën Juglindore që përgatit infermierët e ardhshëm për provimin e licencës së infermierisë gjermane FKP (Fachkenntnisprüfung) që do të zhvillohet në Heidelberg. I urojmë fat kandidatëve tanë!

“Kemi mësuar shumë gjatë këtyre 3 javëve si në pjesën teorike ashtu edhe në atë praktike. Trajnimi nga DEKRA Akademie ka qenë shumë i mirë në çdo aspekt”.

Liridona Hasani, Gjakovë.

“Trajnimi ka qenë përvojë interesante, i kam përforcua njohuritë paraprake dhe kam marr shumë njohuri të reja. Shpresoj se ky trajnim do të ndihmojë shumë në të ardhmen. Falenderoj DEKRA Akademie për mundësinë e dhënë”.

Faton Haziri, Prishtinë.

“Gjithsej 10 kandidatë nga Kosova kanë ndjekur për 3 javë trajnimin që do t’i përgatisë ata për provimin përfundimtar. Kandidatët i kanë vënë në praktikë njohuritë teorike. I urojmë të gjithëve sukses në provimin final ”.

Kristin Bacharis, Udhëheqëse e Qendrës për Koordinim dhe Trajnim në DEKRA Akademie Selanik.

DEKRA Akademi në Kosovë përgatit infermierët profesionalisht për punën e tyre, dhe gjithashtu organizon të gjitha proceset burokratike dhe ligjore të nevojshme për akreditimin e certifikatës së tyre, dhe lëshimin e vizave dhe licencës së punës.